Guiding
Toppturar og isklatring med guide
I Sogndal har vi god tilgang på høgt kvalifiserte guidar.
Å bli med ein guide på tur, gir ein ny dimensjon til turen. Du får med deg ny og utvida kunnskap om området og om det å ferdast trygt i ulendt lende. Dette kan vere ein unik sjanse til å bli kjent med området, samtidig som du får gode tilhøve til å læra meir om dei bratte og ville vestlandsfjella som omgir Sogn.
Turane kan tilpassast dine ynskjer, eller du kan vere med som deltakar på faste oppsette turar og kurs i toppsesongen.
Fleire av guidane i Sogndal tilbyr både føringsturar og kurs innan emna ski, skred, klatring og bre, samt tradisjonelt friluftsliv sommar som vinter. I Sogndal om vinteren er det særleg toppturar/offpiste og isklatring det er gode tilhøve for. Dette kan vera alt frå ein enkel introduksjon innan dei ulike emna, til meir djuptgåande opplæring innan faget.